Pidato Bahasa Jawa Tema Hari Jadi Kabupaten Sleman

SESORAH “PENGETAN DINTEN MADEGIPUN KABUPATEN SLEMAN”

Assalamualaikum Wr. Wb.

Engkang satuhu kinurmatan Kepala Sekolah SMKN 1 Seyegan,

Bapak/Ibu guru, karyawan ingkang kula hormati,

Saha kanca-kanca ingkang bagya mulya.

Sumangga kula dherekaken ngatur puji  syukur wonten ngarsadalem  Allah SWT ingkang sampun paring kanikmatan saha rahmat, satemah ing wakdal menika kita  saged makempal ing papan kalenggahan menika saperlu mengeti ambal warso Kabupaten Sleman ingkang kaping 1 abad.

Bapak Ibu saha para kanca .Cikal bakal kabupaten Sleman dipunwiwiti tanggal 15 Mei 1916. Antawisipun kabupaten sanesipun ing tlatah DIY, kabupaten Sleman ingkang paling makmur.Kekayaan utami kabupaten Sleman asalipun saking siti ingkang subur amargi caket gunung Merapi. Kanti suburipun siti ing Sleman mila kathah sumber daya alam ingkang saged dipunkembangaken kanthi gampil ingkang sepindhah inggih menika salak pondoh khas Sleman. Kanthi kathahipun variasi olahan salak pondoh mila potensi kawigatosipun masyarakat dados tambah kalian ningkataken pendapatan produsen salak pondoh, ugi mboten namung wohipun kemawon, ugi saged dipunsade kanthi ujud agrowisata inggih menika wisata kebon salak.

Amargi nggadhahi keuntungan saking faktor alam ingkang sanget inggil, kabupaten Sleman kathah dipunminati tiyang kanggih dadosaken papan panggenan mliginipun masyarakat Jogja saha masyarakat Indonesia umumipun remen mapan ing Sleman amargi tentrem lan ayem.  Bab menika dadosaken regi siti wonten Sleman inggil, sanesipun menika akses ingkang  gampil wonten pusat perekonomian, pusat hiburan kalian wisata dadosaken kabupaten Sleman papan ingkang dipunidamaken masyarakat.

Kaluwihan kabupaten Sleman sanesipun inggih menika bidang pariwisata kathah papan wisata ing Sleman ingkang sampun kawentar wonten ing dalam negeri saha manca Negara antawisipun alam kados kaliurang, wisata budaya lan sejarah kados candi Prambanan, candi Kalasan, candi Mendut, museum merapi sarto wisata belanja kados ambarukmo plaza,  napa malih Yogyakarta kawentar kota pendidikan saha wontening Sleman wonten kalih universitas ingkang sampun misuwur kados Universitas Gadjah Mada lan Universitas Negeri Yogyakarta.

Punika ingkag saged kula aturaken, mugi-mugi dadosaken manfaat, kathah kalepatanipun atur saha kirang trapsila anggen kula matur, kula nyuwun agunging pangapunten.

Wasallamualaikum Wr. Wb.